എന്നിട്ടും അവരുടെ ഒരു ഹർത്താൽ!!

ആര് ആരോപണം ഉന്നയിച്ചാലും മന്ത്രിമാർ ഉടൻ 
രാജി വെക്കണം; തെളിവ് ചോദിച്ചാൽ അത് അഹങ്കാരം!

തെളിവും കോടതിയും ഒക്കെ അങ്ങ് വടക്ക്
ഡൽഹിയിലെയും ഗുജറാത്തിലെയും ഒക്കെ 

മന്ത്രിമാർക്കല്ലെ,
ഇവിടെ ഈ കേരളത്തിലെന്തിനാ?  

പ്രതിപക്ഷത്തിന് വിശ്വാസം ഇല്ലെങ്കിൽ
മന്തിമാർ ഉടൻ രാജി വെക്കണം. 

ഭൂരിപക്ഷത്തിൽ ഒന്നും കാര്യമില്ല!

ബജറ്റ് അവതരിപ്പിക്കുന്നത്‌ പ്രതിപക്ഷത്തിന്
ഇഷ്ടമുള്ള മന്ത്രി ആയിരിക്കണം. അല്ലാതെ
മന്തിസഭയുടെയോ ധനമന്ത്രിയുടെയോ ഇഷ്ടപ്രകാരം അല്ല!  

ധനമന്ത്രി ബജറ്റ് അവതരിപ്പിക്കരുത്
എന്ന് ആരെങ്കിലും പറഞ്ഞാൽ

ഉടൻ അദ്ദേഹം ബജറ്റ് പണി
വേറെ ആരെ എങ്കിലും ഏല്പിക്കണം.

അതല്ലേ അതിൻറെ ഒരു മര്യാദ! 

ഇനി ധനമന്ത്രിയെ ബജറ്റ് അവതരിപ്പിക്കാൻ
അനുവദിക്കില്ല എന്ന് പ്രതിപക്ഷം വാശി പിടിച്ചാൽ
അദ്ദേഹം സഭയിൽ വരരുത്. 

അഥവാ വന്നാൽ തന്നെ സ്പീക്കർ അനുവദിക്കരുത്!

എന്നിട്ടും ധനമന്ത്രി വന്നാൽ
സ്പീക്കർ സഭയടച്ചു വീട്ടില് പോണം. 

അല്ലെങ്കിൽ സ്പീക്കറുടെ കസേര തെറിപ്പിക്കണം;
അല്ല നശിപ്പിക്കണം!

കസേരയും കമ്പ്യുട്ടെറും നശിപ്പിച്ചാൽ
പിന്നെന്തു സ്പീക്കർ? 

അപ്പോൾ പിന്നെ സ്പീക്കർ സഭയിൽ വന്നാലും
അദ്ദേഹം സ്പീക്കർ ആവില്ല!

കസേരയല്ലേ, വ്യക്തിയല്ലല്ലോ മുഖ്യം! 

തല്ലിയാലും കൊന്നാലും മന്ത്രി സീറ്റ്‌ മാറരുത്;
സ്പീക്കറും അങ്ങിനെ തന്നെ!

സീറ്റ്‌ മാറി ഇരുന്നാൽ മന്ത്രി മന്ത്രി അല്ലാതാവും,
സ്പീക്കർ സ്പീക്കർ അല്ലാതാവും! 

സഭ സഭയല്ലാതാവും; മേശപ്പുറം മേശപ്പുറം അല്ലാതാവും.. 

ബജറ്റ് ബജറ്റ് അല്ലാതാവും!

പ്രതിപക്ഷം ഭരണപക്ഷത്തെ ഭരിക്കും;
ഇത് നമ്മുടെ ജനാധിപത്യം! 

ഇങ്കുലാബ് സിന്ദാബാദ്!

പ്രതിപക്ഷത്തിന് മുണ്ട് മടക്കാം;

മേശമേൽ കയറാം; കടിച്ചു പറിക്കാം; 

ഉന്താം തള്ളാം; എന്തും ചെയ്യാം...

ഇതാണ് നമ്മുടെ ജനാധിപത്യം; 
ഇങ്കുലാബ് സിന്ദാബാദ്!

അരിയും  തിന്നു,  ആശാരിച്ചിയെയും കടിച്ചു...
എന്നിട്ടും അവരുടെ ഒരു ഹർത്താൽ!!
എന്ന് പാവം ജനം!