മനുഷ്യർ സ്വാർത്ഥരാണ്...വിശേഷബുദ്ധി ഉള്ളവരും!
അവർ മക്കളെ വളർത്തുന്നത് ഭാവിയിലേക്കുള്ള നിക്ഷേപം ആയിട്ടാണ്;
പ്രായമായ മാതാപിതാക്കളെ ശുശ്രൂഷിക്കുന്നതു വെറും കടം വീട്ടലും.
കിട്ടാക്കടം ഏറെയുള്ള ഈ നാട്ടിൽ...
അവരവരുടെ കടം സർക്കാർ എഴുതിത്തള്ളുകയോ
പൊതുസമൂഹം ഏറ്റെടുക്കുകയോ ചെയ്യാനാണ് ഏവർക്കും താല്പര്യം.
അപ്പോൾ, ബാധ്യതകൾ മാത്രമായ മാതാപിതാക്കൾ
വൃദ്ധസദനങ്ങളിലോ അഗതി മന്ദിരങ്ങളിലോ എത്തിപ്പെട്ടാൽ എന്തത്ഭുതം?
പിന്നെ, ഒരു window dressing എന്ന നിലയ്ക്കു
വർഷത്തിൽ ഒരു അമ്മദിനവും അച്ഛൻ ദിനവും!
