ഇടക്കിടെ അവതാരങ്ങൾ പിറവിയെടുക്കും, മനുഷ്യകുലത്തെ പാപത്തിൽ നിന്ന് മോചിപ്പിക്കാൻ!
കുറച്ചുനാൾ കഴിയുമ്പോൾ അവർ ഉടലോടെയോ അല്ലാതെയോ സ്വർഗ്ഗത്തിലേക്ക് മടങ്ങും. തങ്ങളുടെ ലക്ഷ്യം നിറവേറ്റി എന്ന അവകാശവാദവുമായി!
എന്നിട്ടോ?
മൂന്നാം നാളോ ഏഴാം നാളോ, പാപം വീണ്ടും ഉയർത്തെഴുന്നേൽക്കും.... മനുഷ്യമനസ്സുകളുടെ മേൽ വീണ്ടും അധീശത്വം സ്ഥാപിക്കും.
പാപഭാരവും അതിന്റെ കഷ്ടതകളും പേറി മനുഷ്യജന്മങ്ങൾ വീണ്ടും മറ്റൊരു അവതാരത്തിനായി കാതോർത്തിരിക്കും (ചില അവതാരങ്ങൾ ആ പ്രതീക്ഷ പോലും തല്ലിക്കെടുത്തി, താനാണ് അവസാനവാക്ക് എന്നും പറഞ്ഞാണ് വിട വാങ്ങുന്നത്).
ലോകത്തെ പാപത്തിൽ നിന്നും മോചിപ്പിക്കാനുള്ള ശേഷി ഇല്ലാഞ്ഞിട്ടാണോ അതോ മനുഷ്യരെ എന്നെന്നും തന്റെ അടിമയാക്കി വയ്ക്കാനുള്ള സൂത്രമായിട്ടായോ, എന്തിനാണ് ദൈവവും അവതാരങ്ങളും കൂടെ ഇങ്ങനെ മനുഷ്യരെ പറഞ്ഞു പറ്റിക്കുന്നത്?
